മ്യൂസിയം മൃഗശാലാ വകുപ്പിന്റെ നേതൃത്വത്തിൽ ഒക്ടോബർ രണ്ടു മുതൽ എട്ടുവരെ സംഘടിപ്പിക്കുന്ന വന്യജീവി വാരാഘോഷത്തിന്റെ സമാപന സമ്മേളനം എട്ടിനു രാവിലെ 11.30ന് മൃഗസംരക്ഷണം, ക്ഷീരവികസനം, മൃഗശാല വകുപ്പ് മന്ത്രി ജെ. ചിഞ്ചുറാണി ഉദ്ഘാടനം ചെയ്യും. വി.കെ. പ്രശാന്ത് എം.എൽ.എ അധ്യക്ഷത വഹിക്കും.
തിരുവനന്തപുരം മൃഗശാലയിൽ സ്‌കൂൾ, കോളജ് തലത്തിലുള്ള വിദ്യാർഥി-വിദ്യാർഥിനികൾക്കായി സംഘടിപ്പിച്ച വിവിധ മത്സരങ്ങളിൽ വിജയികളായവർക്ക് ചടങ്ങിൽ മന്ത്രി സമ്മാനങ്ങൾ വിതരണം ചെയ്യും.