ജില്ലാ കോടതികളിലെയും കീഴ്ക്കോടതികളിലെയും സർക്കാർ അഭിഭാഷകർ അവരുടെ വാഹനങ്ങളിൽ വെച്ചിരിക്കുന്ന ഔദ്യോഗികപദവി സൂചിപ്പിക്കുന്ന ബോർഡുകൾ നീക്കം ചെയ്യാൻ സർക്കാർ നിർദ്ദേശം. തുടർ നടപടികൾ സ്വീകരിക്കാൻ കളക്ടർമാർക്ക് നിർദ്ദേശംനൽകി.
1989-ലെ കേരള മോട്ടോർ വെഹിക്കിൾ റൂൾസിലെ ചട്ടം 92 എ-യിൽ നിഷ്‌കർഷിച്ചിരിക്കുന്നതിന് വിരുദ്ധമായിട്ടാണ് സർക്കാർ അഭിഭാഷകർ സ്വകാര്യ വാഹനങ്ങളിൽ ഒദ്യോഗികപദവി സൂചിപ്പിക്കുന്ന ബോർഡുകൾ വെക്കുന്നതെന്ന് അഡീഷണൽ നിയമ സെക്രട്ടറി പുറപ്പെടുവിച്ച ഉത്തരവിൽ പറയുന്നു. വടമൺ പനയഞ്ചേരി സ്വദേശി പ്രമോദ് നിയമമന്ത്രിക്ക് നൽകിയ പരാതിയെത്തുടർന്നാണ് നടപടി.