കേരളത്തിലെ പരിസ്ഥിതി ലോലമേഖല നിശ്ചയിച്ച് അന്തിമമാക്കുന്നത് കോടതി ഉത്തരവിനു വിധേയമായിരിക്കുമെന്ന് ഹൈക്കോടതി ഉത്തരവിട്ടു.
കേരള ബയോ ഡൈവേഴ്സിറ്റി ബോര്ഡിന്റെ വെബ്സൈറ്റില് പ്രസിദ്ധീകരിച്ചിട്ടുള്ള കരട് വിജ്ഞാപനത്തിന്റെ നിയമസാധുത ചോദ്യം ചെയ്ത് ഇടുക്കി സ്വദേശി അജിത് കുമാര്, പത്തനംതിട്ട സ്വദേശി പ്രദീപ് കുമാര് എന്നിവര് നല്കിയ ഹര്ജിയില് ജസ്റ്റീസ് വി.ജി. അരുണിന്റെ ബെഞ്ചാണ് ഇക്കാര്യം വ്യക്തമാക്കിയത്.
ഹര്ജിയില് കേന്ദ്ര സര്ക്കാരിനടക്കം നോട്ടീസ് നല്കാനും സിംഗിള്ബെഞ്ച് നിര്ദേശിച്ചു. ഉമ്മന് വി. ഉമ്മന് കമ്മീഷന് റിപ്പോര്ട്ടില് പറയുന്ന കാര്യങ്ങള്ക്കു വിരുദ്ധമായ വിവരങ്ങളാണ് കരടു വിജ്ഞാപനത്തിലുള്ളതെന്ന് ഹര്ജിയില് ആരോപിക്കുന്നു. ഏതു മേഖലകളാണ് പരിസ്ഥിതി ലോല മേഖലയില് വരികയെന്ന് വിജ്ഞാപനത്തില് വ്യക്തമല്ലെന്നും ഹര്ജിയില് പറയുന്നു.