കേളകം:കണിച്ചാർ തെരേസ് ജ്യോതി ചാരിറ്റബിൾ ട്രസ്റ്റ് 15-ാം വാർഷികഘോഷവും പദ്ധതി രേഖ സമർപ്പണവും നാളെ ഉച്ചക്കഴിഞ്ഞ് രണ്ട് മണി മുതൽ കണിച്ചാർ ജീസസ് ശിശുഭവനിൽ നടക്കും. ഉച്ചക്ക് രണ്ടിന് ചൈൽഡ് വെൽഫെയർ കമ്മിറ്റി ജില്ലാ ചെയർമാൻ കെ.രവി ഉദ്ഘാടനം ചെയ്യും.
ഉപഹാര സമർപ്പണം ജില്ലാ പഞ്ചായത്തംഗം വി.ഗീതയും പദ്ധതി രേഖ സമർപ്പണം സിസ്റ്റർ വിനീതയും നിർവഹിക്കും.തലശേരി എമിറേറ്റ്‌സ് ആർച്ച് ബിഷപ്പ് റവ.ജോർജ് ഞരളക്കാട്ട്,ജില്ലാ പഞ്ചായത്ത് വൈസ് പ്രസിഡന്റ് ബിനോയ് കുര്യൻ തുടങ്ങിയവർ സംബന്ധിക്കും. കുട്ടികളുടെ വിവിധ കലാപരിപാടികളും ഉണ്ടാകുമെന്ന് ഭാരവാഹികളായസിസ്റ്റർ.വിമല,ഇട്ടിയവിര ജോസഫ്, ഷാജി പാമ്പാടി എന്നിവർ അറിയിച്ചു.