വിദേശരാജ്യങ്ങളെ വികസനമാതൃകകൾ കേരളത്തിന്‍റെ സാഹചര്യത്തിനനുസരിച്ച് പകർത്തുക എന്നതാണ് മന്ത്രിമാരുടെ വിദേശയാത്രകളുടെ ലക്ഷ്യമെന്ന് മുഖ്യമന്ത്രി പിണറായി വിജയൻ. വിദേശയാത്രകളുടെ വസ്തുത മനസിലാക്കിയാൽ വിവാദങ്ങൾക്ക് സ്ഥാനമില്ലാതാകുമെന്നും അദ്ദേഹം പറഞ്ഞു.
മുൻമുഖ്യമന്ത്രി നായനാരും മന്ത്രിയായിരുന്ന ഗൗരിയമ്മയും നടത്തിയ യൂറോപ്പ് പര്യടനത്തിന്‍റെ ഫലമായാണ് രാജ്യത്തെ തന്നെ ആദ്യത്തെ ഐടി പാർക്കായ ടെക്നോപാർക്ക് സ്ഥാപിതമാകുന്നത്. മന്ത്രിമാരുടെ യൂറോപ് സന്ദർശനത്തിന്‍റെ ഭാഗമായി ബഹുരാഷ്ട്ര കമ്പനികൾ സന്ദർശിച്ച് കൂടുതൽ നിക്ഷേപം കൊണ്ടുവരുമെന്നും മുഖ്യമന്ത്രി പറഞ്ഞു.