നിയമ സഭാ സ്പീക്കര് സ്ഥാനം രാജിവെച്ച എം.ബി രാജേഷ് ചൊവ്വാഴ്ച മന്ത്രിയായി സത്യപ്രതിജ്ഞ ചെയ്യും. സത്യപ്രതിജ്ഞാ ചടങ്ങ് രാവിലെ 11ന് രാജ്ഭവനില് നടക്കും.
വകുപ്പുകളുടെ കാര്യത്തില് ഇതുവരെ തീരുമാനമായിട്ടില്ലെങ്കിലും എം.വി ഗോവിന്ദന് കൈകാര്യം ചെയ്തിരുന്ന തദ്ദേശം, എക്സൈസ് വകുപ്പുകള് തന്നെ രാജേഷിന് ലഭിക്കാനാണ് സാധ്യത. നേരത്തെ, സിപിഎം സംസ്ഥാന സെക്രട്ടറിയായി തെരെഞ്ഞെടുക്കപ്പെട്ടതിനെത്തുടര്ന്ന് എം.വി ഗോവിന്ദന് മന്ത്രി സ്ഥാനം രാജിവച്ചിരുന്നു.
രാജേഷ് രാജിവെച്ചതിനെ തുടര്ന്നുള്ള നിയമസഭാ സ്പീക്കര് തെരഞ്ഞെടുപ്പ് ഈ മാസം 12ന് നടക്കും.ഇതിനായി പ്രത്യേക നിയമസഭാ സമ്മേളനം വിളിക്കും.
ഭൂരിപക്ഷമുറപ്പായതിനാല് എല്ഡിഎഫ് സ്ഥാനാര്ഥി എ.എന് ഷംസീര് പുതിയ നിയമസഭാ സ്പീക്കറാകും. സ്പീക്കര് സ്ഥാനാഥിയെ നിര്ത്തുന്ന കാര്യത്തില് യുഡിഎഫ് ഇതുവരെ തീരുമാനമെടുത്തിട്ടില്ല.