വാളയാറിൽ ദുരൂഹ സാഹചര്യത്തിൽ പെൺകുട്ടികൾ മരിച്ച കേസിൽ രണ്ട് പ്രതികൾക്ക് ജാമ്യം. മധു, ഷിബു എന്നിവർക്കാണ് ജാമ്യം ലഭിച്ചത്. പാലക്കാട് പോക്‌സോ കോടതിയാണ് ജാമ്യം അനുവദിച്ചത്.
പാലക്കാട് ഫസ്റ്റ് അഡീഷണൽ സെഷൻസ് കോടതിയാൻ കേസ് പരിഗണിച്ചിരുന്നത്. കേസ് തുടരന്വേഷിക്കാൻ കോടതി സി ബി ഐയ്ക്ക് നിർദേശം നൽകിയിരുന്നു. സഹോദരിമാരായ പെൺകുട്ടികൾ ആത്മഹത്യാ ചെയ്തതാവാമെന്ന പൊലീസ് നിഗമനം ശരിവയ്ക്കുന്ന രീതിയിൽ തന്നെയാണ് സി ബി ഐയും കുറ്റപത്രം തയ്യാറാക്കിയത്. 2017 ജനുവരി 13 ന് പതിമൂന്ന് വയസ്സുള്ള പെൺകുട്ടിയെയും മാർച്ച് 4 ന് ഒമ്പത് വയസ്സുള്ള പെൺകുട്ടിയെയും തൂങ്ങി നിലയിൽ കണ്ടെത്തുകയായിരുന്നു.