ട്രെയിൻ റിസർവേഷനുകൾ ഇനി നേരിട്ട് ചെയ്യാം. ട്രെയിനുകളിലെ പകൽ യാത്രയ്ക്കുള്ള റിസർവഷനുകൾക്കാണ് അനുമതി. ട്രെയിനുകളിലെ പകൽ യാത്രയ്ക്ക് നാളെ മുതൽ റിസർവേഷൻ ഇല്ലാത്ത സ്ലീപ്പർ ക്ലാസ് ടിക്കറ്റുകൾ നൽകാനാണ് റെയിൽവേ തീരുമാനിച്ചിരിക്കുന്നത്.അതേസമയം രാവിലെ ആറിനും രാത്രി ഒൻപതിനും ഇടയിൽ ടിക്കറ്റ് കൗണ്ടറിൽ നിന്ന് സ്ലീപ്പർ ടിക്കറ്റുകൾ ലഭിക്കുന്നതാണ്. രാത്രി ഒൻപതിനു അവസാനിക്കുന്ന യാത്രകൾക്കാകും ടിക്കറ്റ് നൽകുക. ഇത് പ്രകാരം രാവിലെ മുതൽ രാത്രിവരെയുള്ള ഏത് ട്രെയിനിനും സ്ലീപ്പർ ടിക്കറ്റുകൾ ലഭിക്കുന്നതാണ്.
2020 ൽ കോവിഡ് രൂക്ഷമായതിനെ തുടർന്നാണ് പകൽ യാത്രയ്ക്കുള്ള സ്ലീപ്പർ ടിക്കറ്റുകളുടെ വിതരണം നിർത്തിയത്. എന്നാൽ മുൻകൂർ റിസർവേഷനില്ലാത്ത സ്ലീപ്പർ ടിക്കറ്റുകൾ പുനഃസ്ഥാപിക്കണമെന്ന് യാത്രികരുടെ ആവശ്യവും ഓണക്കാലത്തെ തിരക്കും പരിഗണിച്ചാണ് റെയിൽവേയുടെ തീരുമാനം.