കണ്ണൂർ: ജില്ലയിൽ പോലീസ്, മോട്ടോർ വാഹന അധികാരികൾ നിസാര കാര്യങ്ങൾക്ക് അനാവശ്യമായി പിഴ ഈടാക്കുന്ന നടപടിയിൽ നിന്ന് ബസ് ഉടമകളെ ഒഴിവാക്കണമെന്ന് കണ്ണൂർ ജില്ലാ ബസ് ഓപ്പറേറ്റേഴ്സ് അസോസിയേഷൻ കോ-ഓർഡിനേഷൻ കമ്മിറ്റി യോഗം ആവശ്യപ്പെട്ടു. ഇതുസംബന്ധിച്ച് ബന്ധപ്പെട്ട അധികാരികൾക്ക് നിവേദനം നൽകും. അല്ലാതെ വരികയാണെങ്കിൽ ജില്ലയിൽ സ്വകാര്യ ബസ് നിർത്തിവയ്ക്കുകയല്ലാതെ മറ്റു ഗത്യന്തരമില്ലെന്നും യോഗം അറി യിച്ചു. ജനറൽ കൺവീനർ രാജ്കുമാർ കരുവാരത്ത് അധ്യക്ഷത വഹിച്ചു. 2022-23 വർഷത്തേക്കുള്ള ഉടമകളുടെയും ജീവനക്കാരുടെയും സൗജന്യ യാത്രാ പാസ് സെപ്റ്റംബർ ഒന്നുമുതൽ പ്രാബല്യത്തിൽ വരുത്താനും സെപ്റ്റംബർ ഒന്നുമുതൽ പഴയ പാസ് ബസുകളിൽ സ്വീകരിക്കേണ്ടതില്ലെന്നും തീരുമാനിച്ചു. കെ. ഗംഗാധരൻ, കെ. വിജയൻ, പി.കെ. പവിത്രൻ, പി.പി. മോഹനൻ, കെ.പി. മോഹനൻ എം.കെ. പവിത്രൻ, വിജയമോഹനൻ, എം.കെ. രഞ്ജിത്ത്, പി.വി. പദ്മനാഭൻ, സുധാകരൻ തുടങ്ങിയവർ പ്രസംഗിച്ചു.
previous post