രാജ്യത്ത് അടുത്ത വര്‍ഷം ആദ്യവാരത്തില്‍ ഇ-പാസ്‌പോര്‍ട്ടുകള്‍ ലഭ്യമാക്കുമെന്ന് വിദേശകാര്യ മന്ത്രാലയം.ഇന്ത്യന്‍ പാസ്പോര്‍ട്ടിന്റെ സുരക്ഷാ നവീകരണവും മെഷീന്‍ റീഡിംഗും ഉറപ്പാക്കുന്ന പാസ്പോര്‍ട്ടില്‍ ഇ-ചിപ്പും മറ്റ് ഫീച്ചറുകളും ചേര്‍ക്കുമെന്ന് വിദേശകാര്യമന്ത്രാലയ സെക്രട്ടറി ഡോ.ഔസേഫ് സയിദ് വ്യക്തമാക്കി.വൈകാതെ തന്നെ ക്ലൗഡ് അധിഷ്ഠിത പാസ്പോര്‍ട്ട് യാഥാര്‍ത്ഥ്യമാക്കുമെന്നും അദ്ദേഹം കൂട്ടിച്ചേര്‍ത്തു.
ഇന്റര്‍നാഷണല്‍ സിവില്‍ ഏവിയേഷന്‍ ഓര്‍ഗനൈസേഷന്റെ (ഐസിഎഒ) മാനദണ്ഡങ്ങള്‍ക്കനുസരിച്ചാണ് ഇ-പാസ്‌പോര്‍ട്ടുകള്‍ രൂപകല്‍പ്പന ചെയ്തിരിക്കുന്നത്. അന്താരാഷ്‌ട്ര യാത്രകള്‍ സുഗമമാക്കുന്നതിനും നിയമപരമായ പിന്തുണ നല്‍കാനും ഡിജിറ്റല്‍ രൂപത്തിലുള്ള പാസ്‌പോര്‍ട്ടിനാകുമെന്നും ഉദ്യോഗസ്ഥര്‍ വ്യക്തമാക്കി.