കണ്ണൂർ: ജില്ലാ പഞ്ചായത്തും മണിക്കടവ് സെന്റ് തോമസ് ഹയര് സെക്കൻഡറി സ്കൂളും സംയുക്തമായി 20 ന് രാവിലെ 10 ന് മഴയാത്ര എന്ന പ്രകൃതി ദര്ശന പഠന യാത്ര നടത്തുന്നു. മണിക്കടവ് നിന്നാരംഭിക്കുന്ന യാത്ര ജില്ലയിലെ അറിയപ്പെടുന്ന വിനോദ സഞ്ചാരകേന്ദ്രമായ കാഞ്ഞിരക്കൊല്ലിയില് സമാപിക്കും. എട്ട് കിലോമീറ്റര് മഴ നനഞ്ഞും നാടന് പാട്ട് കലാകാരന്മാര്ക്കൊപ്പം ആടിയും പാടിയും കൂട്ടുകൂടിയും പ്രകൃതിയെ അറിഞ്ഞ് യാത്ര ചെയ്യാം. രജിസ്റ്റര് ചെയ്ത വിദ്യാര്ഥികള് 20 ന് രാവിലെ 10 ന് എത്തണമെന്ന് ജില്ലാ പഞ്ചായത്ത് പ്രസിഡന്റ് അറിയിച്ചു.മഴയാത്രയുടെ പ്രചാരണാർഥം സെന്റ്തോമസ് ഹയർ സെക്കൻഡറി സ്കൂൾ വിദ്യാർഥിനികൾ ഇരിട്ടി യിൽ ഫ്ലാഷ് മോബ് നടത്തി.അധ്യാപകരായ പി.എ. പ്രസാദ് , ജുബിൻ ജോസ്, വി. കവിത, പി. ജ്യോതിസ് ജോസ്, കെ. ആ.ർ സുധീഷ് എന്നിവർ നേതൃത്വം നൽകി.