ഹോട്ടലുകളിൽ ആരോഗ്യ വകുപ്പിന്റെ നേതൃത്വത്തിൽ പരിശോധന നടത്തി. ഹെൽത്തി കേരള ക്യാമ്പയിന്റെ ഭാഗമായി കൊട്ടിയൂർ പഞ്ചായത്തിലെ ടൗണുകളിലെ ഹോട്ടലുകൾ, ബേക്കറികൾ എന്നിവിടങ്ങളിലാണ് ആരോഗ്യ വകുപ്പിന്റെ നേതൃത്വത്തിൽ പരിശോധന നടത്തിയത്. കൊട്ടിയൂർ കുടുംബാരോഗ്യ കേന്ദ്രത്തിലെ ഹെൽത്ത് ഇൻസ്പെക്ടർ ടി എ ജെയ്സൺ , ജൂനിയർ ഹെൽത്ത് ഇൻസ്പെക്ടർമാരായ ഭാഗ്യശ്രീ എം. പി, സന്ധ്യ സി ആർ എന്നിവർ പങ്കെടുത്തു. മൂന്ന് ഹോട്ടലുകൾക്ക് നോട്ടീസ് നൽകി. പരിശോധന വീണ്ടും തുടരുമെന്ന് അധികൃതർ അറിയിച്ചു.