54 ലക്ഷം രൂപ ചെലവിൽ നിർമിച്ച ഇരിട്ടി നഗരസഭാ കോൺഫറൻസ് ഹാളും നഗരസഭാ ഓഫീസ് അനുബന്ധ സൗകര്യങ്ങളും മന്ത്രി എം. വി. ഗോവിന്ദൻ 13-ന് വൈകിട്ട് 4. 30-ന് ഉദ്ഘാടനം ചെയ്യും. നഗരസഭയുടെ രണ്ടുതവണത്തെ പദ്ധതിവിഹിതം ഉപയോഗിച്ചാണ് നിലവിലെ മുനിസിപ്പൽ ഓഫീസ് കെട്ടിടത്തിൽ യോഗഹാൾ ഉൾപ്പെടെ നിർമിച്ചത്.
ഉദ്ഘാടനത്തിന് സംഘാടകസമിതി രൂപവത്കരിച്ചു. സംഘാടകസമിതി യോഗം വൈസ് ചെയർമാൻ പി. പി. ഉസ്മാൻ ഉദ്ഘാടനം ചെയ്തു. ഭാരവാഹികൾ: കെ. ശ്രീലത (ചെയ. ), പി. പി. അശോകൻ, പി. കെ. ബൾക്കീസ് (വൈസ് ചെയ. ), കെ. അഭിലാഷ് (കൺ. ), പി. പി. ഉസ്മാൻ, എൻ. രാജൻ (ജോ. കൺ).