കനത്ത മഴയെത്തുടര്‍ന്ന് സംസ്ഥാനത്ത് 102 ദുരിതാശ്വാസ ക്യാമ്പുകള്‍ തുറന്നു. ആകെ 2,368 പേരെയാണ് വീടുകളില്‍ നിന്നും മാറ്റിപ്പാര്‍പ്പിച്ചത്. 27 വീടുകളാണ് പൂര്‍ണമായും തകര്‍ന്നത്. 126 വീടുകള്‍ ഭാഗികമായും തകര്‍ന്നു.
എറണാകുളത്ത് 18 ക്യാമ്പുകളിലുള്ളത് 199 കുടുംബങ്ങളാണ്. കോട്ടയത്ത് 28 ക്യാമ്പുകളും പത്തനംതിട്ടയിൽ 25 ക്യാമ്പുകളും തുറന്നു. തൃശൂരിൽ 32 ക്യാമ്പുകളിലായി 1,268 പേരെയാണ് മാറ്റിപ്പാര്‍പ്പിച്ചത്.
സംസ്ഥാനത്ത് അതിതീവ്ര മഴ തുടരുമെന്ന് കാലാവസ്ഥാ നിരീക്ഷണ കേന്ദ്രം മുന്നറിയിപ്പ് നല്‍കിയിട്ടുണ്ട്.