കോഴിക്കോട്: മാധ്യമപ്രവര്‍ത്തകയെ ബസില്‍വെച്ച് ഉപദ്രവിച്ച സംഭവത്തില്‍ ഒരാളെ അത്തോളി പോലീസ് കസ്റ്റഡിയിലെടുത്തു. മാമ്പറ്റ സ്വദേശി നൗഷാദിനെയാണ് പോലീസ് പിടികൂടിയത്.
തിങ്കളാഴ്ച രാത്രി ഒരുമണിയ്ക്ക് ജോലി കഴിഞ്ഞ് കെ.എസ്.ആര്‍.ടി.സി. ബസില്‍ വീട്ടിലേക്ക് പോകുന്നതിനിടെയാണ് മാധ്യമപ്രവര്‍ത്തകയ്ക്ക് നേരേ അതിക്രമമുണ്ടായത്. ഇവര്‍ ബസ് ജീവനക്കാരോട് പരാതിപ്പെട്ടതോടെ ബസ് അത്തോളി പോലീസ് സ്റ്റേഷനില്‍ എത്തിച്ചു. തുടര്‍ന്ന് മാധ്യമപ്രവര്‍ത്തക നല്‍കിയ പരാതിയിലാണ് ബസിലുണ്ടായിരുന്ന നൗഷാദിനെ പോലീസ് കസ്റ്റഡിയിലെടുത്തത്.