കണ്ണൂർ: കോവിഡ് ബാധിച്ച് മുഖ്യവരുമാനദായകൻ മരിച്ച കുടുംബങ്ങളെ (പട്ടികവർഗ/ ന്യൂനപക്ഷ/പൊതുവിഭാഗം) സഹായിക്കുന്നതിന് കേരള സർക്കാരിന്‍റേയും കേരള സംസ്ഥാന വനിതാ വികസന കോർപറേഷന്‍റേയും സംയുക്ത സംരംഭമായ സ്മൈൽ കേരള സ്വയം തൊഴിൽ വായ്പ പദ്ധതിയിലേക്ക് അപേക്ഷ ക്ഷണിച്ചു. ആറ് ശതമാനം വാർഷിക പലിശ നിരക്കിൽ പരമാവധി അഞ്ചു ലക്ഷം രൂപ വരെയാണ് വായ്പയായി നൽകുക. വായ്പാ തുകയുടെ 20 ശതമാനം അല്ലെങ്കിൽ പരമാവധി ഒരു ലക്ഷം രൂപ വരെ സബ്സിഡി ലഭിക്കും. കോവിഡ് ബാധിച്ച് മരിച്ച 18 വയസിനും 55 വയസിനുമിടയിൽ പ്രായമുള്ള മുഖ്യ വരുമാനദായകന്‍റെ വനിതകളായ ആശ്രിതർക്കാണ് വായ്പ ലഭിക്കുക. ഇവരുടെ കുടുംബ വാർഷിക വരുമാനം മൂന്ന് ലക്ഷം രൂപയിൽ കവിയരുത്. അപേക്ഷക കേരളത്തിൽ സ്ഥിരതാമസക്കാരി ആയിരിക്കണം. വിശദവിവരങ്ങൾക്കും അപേക്ഷാ ഫോമിനും www.kswdc.org എന്ന് വെബ്‌സൈറ്റ് സന്ദർശിക്കുക. ഫോൺ : 0497 2701399, 9496015014.
കോവിഡ് മരണം: സ്മൈൽ കേരള വായ്പാ പദ്ധതി
