കേരളത്തിന്‍റെ അഭിമാന പദ്ധതിയായ കെ ഫോണിന് കേന്ദ്ര ടെലികോം മന്ത്രാലയം ഐഎസ്പി ലൈസൻസ് അനുവദിച്ചു. ഇതോടെ ഇന്‍റർനെറ്റ് സർവീസ് പ്രൊവൈഡറായി കെ ഫോണിന് പ്രവർത്തിക്കാം.
കേരള ഫൈബർ ഒപ്റ്റിക് നെറ്റ് വർക്ക് ലിമിറ്റഡിന് (കെ-ഫോൺ) അടിസ്ഥാന സൗകര്യ സേവനങ്ങൾ നൽകുന്നതിനാവശ്യമായ ഇൻഫ്രാസ്ട്രക്ചർ പ്രൊവൈഡർ കാറ്റഗറി 1 ലൈസൻസ് നേരത്തെ കേന്ദ്രം അനുവദിച്ചിരുന്നു.
അതിവേഗ ഇന്‍റര്‍നെറ്റ് സൗജന്യമായും കുറഞ്ഞനിരക്കിലും ഗുണമേന്മയോടുകൂടിയും പരമാവധി പേര്‍ക്ക് ലഭ്യമാക്കാനാണ് പദ്ധതിയിലൂടെ ലക്ഷ്യംവയ്ക്കുന്നത്. സ്വകാര്യ കേബിള്‍ ശൃംഖലകളുടെയും മൊബൈല്‍ സേവനദാതാക്കളുടെയും ചൂഷണം കുറയ്ക്കാനാണ് കെ ഫോണ്‍ വിഭാവനം ചെയ്തത്.