കേളകം: കനത്ത മഴയെ തുടർന്ന് അടയ്ക്കാത്തോടിന് സമീപം കരിയം കാപ്പിൽ മണ്ണിടിച്ചിലിൽ കൃഷിനാശം. കേളകം പഞ്ചായത്ത് ഏഴാം വാർഡിലെ കരിനാട്ട് സണ്ണിയുടെ വീടിനോട് ചേർന്നാണ് മണ്ണിടിച്ചിലുണ്ടായത്. കനത്ത മണ്ണിടിച്ചിലിൽ താഴ്വാരത്തെ കൃഷിയിടങ്ങളിൽ മണ്ണ് കുമിഞ്ഞുകൂടി നാശനഷ്ടമുണ്ടാവുകയായിരുന്നു. വീടിൻറെ തൊട്ടു മുൻവശത്ത് ഉണ്ടായ മണ്ണിടിച്ചിലിൽ വലിയതോതിൽ ഉറവയും പൊട്ടിയൊഴുകുന്നുണ്ട്.