കോവിഡ് കാലത്ത് സംസ്ഥാനത്ത് സര്ക്കാരിന്റെ നേതൃത്വത്തില് വിതരണം ചെയ്തത് 10 കോടിയിലധികം ഭക്ഷ്യകിറ്റുകള്. 2020 ഏപ്രില് മുതലാണു സൗജന്യ ഭക്ഷ്യകിറ്റ് വിതരണം സംസ്ഥാനത്ത് ആരംഭിച്ചത്. 2021 ഓഗസ്റ്റ് വരെയുള്ള കണക്കുകള് പ്രകാരം 10,98,77,132 കിറ്റുകളാണ് വിതരണം ചെയ്തത്. കൂടാതെ 2,42,602 മത്സ്യത്തൊഴിലാളി കിറ്റും വിതരണം ചെയ്തായി ഭക്ഷ്യ പൊതുവിതരണ വകുപ്പിന്റെ കണക്കുകള് വ്യക്തമാക്കുന്നു.
കിറ്റ് വിതരണവുമായി ബന്ധപ്പെട്ട് 2020-21, 2021-22 സാമ്പത്തിക വര്ഷങ്ങളിലായി പൊതുവിതരണ വകുപ്പ് മുഖാന്തിരം സപ്ലൈകോയ്ക്ക് 5,538.48 കോടി രൂപ നല്കി. പ്രതിമാസം ശരാശരി 350-400 കോടി രൂപയാണ് കിറ്റ് വിതരണത്തിനായി ചെലവഴിച്ചത്. ആദ്യഘട്ടത്തില് 84 ലക്ഷം ഉപയോക്താക്കള് ഉണ്ടായിരുന്നത്, കഴിഞ്ഞ വര്ഷം ഓഗസ്റ്റില് നിര്ത്തുമ്പോള് 86 ലക്ഷം ആയിരുന്നു.
13 ഘട്ടങ്ങളിലായി 1.22 കോടി കിറ്റ് വിതരണം ചെയ്ത മലപ്പുറത്താണ് ഏറ്റവുമധികം ഭക്ഷ്യകിറ്റ് ഉപയോക്താക്കള്. തൊട്ടുപിന്നില് എറണാകുളം-1.06 കോടി കിറ്റ്. 26,88,898 കിറ്റുകള് വിതരണം ചെയ്ത വയനാട്ടിലാണ് ഏറ്റവും കുറവ് ഭക്ഷ്യകിറ്റുകള് വിതരണം ചെയ്തത്.
കോവിഡ് ഭീതി ഒഴിഞ്ഞ സാഹചര്യത്തില് കഴിഞ്ഞ നംവംബര് മുതല് ഭക്ഷ്യകിറ്റ് വിതരണം താത്കാലികമായി നിര്ത്തുന്നതായി മന്ത്രി ജി.ആര്. അനില് വ്യക്തമാക്കിയിരുന്നു. അതേസമയം ആവശ്യം വരുന്ന സാഹചര്യത്തില് കിറ്റ് നല്കുമെന്നും വ്യക്തമാക്കിയിരുന്നു. ഈ കാര്യത്തില് സര്ക്കാര് ഇനിയും അന്തിമ തീരുമാനം പ്രഖ്യാപിച്ചിട്ടില്ല. എന്നാല് കോവിഡിനെത്തുടര്ന്ന് രൂപപ്പെട്ട സാമ്പത്തിക പ്രതിസന്ധിമൂലം കിറ്റ് വിതരണം തുടരുന്നതു ബുദ്ധിമുട്ടാകുമെന്നു നേരത്തെ ധനവകുപ്പ് ഭക്ഷ്യവകുപ്പിനെ അറിയിച്ചിരുന്നു.