ട്രംപിന്റെ മാധ്യമവിലക്കിന് സ്റ്റേ നൽകി കോടതി, ഭരണഘടനാപരമായ അവകാശങ്ങളുടെ ലംഘനമെന്ന് കോടതി

വാഷിം​ഗ്ടൺ: അമേരിക്കൻ പ്രസിഡന്റ് ഡൊണാൾഡ് ട്രംപിന്റെ മാധ്യമവിലക്കിന് കോടതി സ്റ്റേ. സിഎൻഎൻ, എംഎസ് നൗ, പൊളിറ്റിക്കോ എന്നീ മാധ്യമസ്ഥാപനങ്ങൾക്ക് വൈറ്റ് ഹൗസിൽ ഏർപ്പെടുത്തിയ വിലക്കിനാണ് സ്റ്റേ. ഭരണഘടനാപരമായ അവകാശങ്ങളുടെ ലംഘനമെന്ന് കോടതി ചൂണ്ടിക്കാട്ടി. മൂന്ന് മാധ്യമസ്ഥാപനങ്ങളുടെയും വൈറ്റ് ഹൗസ് പ്രസ് പാസുകൾ ഉടൻ പുനഃസ്ഥാപിക്കാൻ ട്രംപ് ഭരണകൂടത്തിന് ജഡ്ജി ടിമത്തി കെല്ലി ഉത്തരവ് നൽകി. ദേശീയസുരക്ഷയുടെ പേരിൽ മാധ്യമപ്രവർത്തകരുടെ പ്രവേശനം വിലക്കിയെന്ന ഭരണകൂടത്തിന്റെ വാദവും കോടതി തൽക്കാലം തള്ളി