അമ്പായത്തോട് യു.പി സ്കൂളിൽ ശിശുദിനാഘോഷവും വിജയോത്സവവും സംഘടിപ്പിച്ചു

അമ്പായത്തോട്: അമ്പായത്തോട് യു.പി സ്കൂളിൽ ശിശുദിന ആഘോഷവും സബ്ജില്ല മേളകളിലെ വിജയികൾക്ക് ഉപഹാര സമർപ്പണവും സംഘടിപ്പിച്ചു. സ്കൂൾ ഹെഡ്മിസ്ട്രസ് സിനി ജോസഫ് സ്വാഗതം പറഞ്ഞ ചടങ്ങിൽ കൊട്ടിയൂർ പഞ്ചായത്ത് പ്രസിഡണ്ട് റോയി നമ്പുടാകം ഉദ്ഘാടനം നിർവഹിക്കുകയും സ്കൂൾ മാനേജർ ഫാ.അനീഷ് കാട്ടാത്ത് അധ്യക്ഷത വഹിക്കുകയും ചെയ്തു. മുൻ ഹെഡ്മാസ്റ്റർമാരായ പി.ഡി ഫ്രാൻസിസ്, ജോൺ ടി.വി, വാർഡ് മെമ്പർ ഷാജി പൊട്ടയിൽ, പി ടി എ പ്രസിഡന്റ് ജോമി ഇടശ്ശേരി കുന്നേൽ, എം പി ടി എ പ്രസിഡന്റ് ലിസി നെടുങ്കോട്ടയിൽ എന്നിവർ ആശംസകൾ നേർന്നു സംസാരിക്കുകയും സമ്മാനങ്ങൾ വിതരണം ചെയ്യുകയും ചെയ്തു. സ്റ്റാഫ് സെക്രട്ടറി ബിന്ദു ജോർജ് നന്ദി അറിയിച്ചു.