അടയ്ക്കാത്തോട് ഗവൺമെൻറ് യുപി സ്കൂളിൽ ശിശുദിനാഘോഷം സംഘടിപ്പിച്ചു

അടയ്ക്കാത്തോട്: അടയ്ക്കാത്തോട് ഗവൺമെൻറ് യുപി സ്കൂളിൽ ശിശുദിനം വിപുലങ്ങളായ പരിപാടികളോടെ ആഘോഷിച്ചു. വാദ്യമേളങ്ങളുടെ അകമ്പടിയോടെ കുട്ടിചാച്ചാജിമാരെ വേദിയിലേക്ക് ആനയിച്ചു. യോഗം നിയന്ത്രിച്ചതും ഉദ്ഘാടനം നിർവഹിച്ചതും എല്ലാം കുട്ടികളായിരുന്നു എന്നത് ശ്രദ്ധേയമായി. രണ്ടാം ക്ലാസിലെ നൂറ ഫാത്തിമ അധ്യക്ഷത വഹിച്ച ചടങ്ങിൽ സ്കൂൾ ലീഡർ ഷമീന പി.എസ് സ്വാഗതം ആശംസിച്ചു. പ്രീ പ്രൈമറി ക്ലാസിലെ ഹാഷിം റഹ്മാൻ പരിപാടികൾ ഉദ്ഘാടനം ചെയ്ത് സംസാരിച്ചു. വിദ്യാർത്ഥികളായ ഷിഫാന ഫാത്തിമ, ഹന്ന റോസ് റിജോ, മെഹറിൻ പി എം, മുഹമ്മദ് മർവാൻ തുടങ്ങിയവർ ആശംസകൾ അർപ്പിച്ച് സംസാരിച്ചു. കുട്ടികളെ കൂടാതെ പിടിഎ പ്രസിഡൻറ് അൻസാദ് അസീസ് പിടിഎ വൈസ് പ്രസിഡൻറ് ചെറിയാൻ കുന്നുംപുറത്ത്, പ്രീ പ്രൈമറി പിടിഎ പ്രസിഡൻറ് ആസിഫ് ഇർഷാദ്, വൈസ് പ്രസിഡൻറ് റസിയ മജീദ്, തുടങ്ങിയവരും ആശംസകൾ അർപ്പിച്ചു. അലൈന അന്ന നന്ദി അർപ്പിച്ചു. തുടർന്ന് കുട്ടികളുടെ വിവിധ കലാപരിപാടികളും സമ്മാനവിതരണവും നടന്നു. പായസ വിതരണത്തോടെ പരിപാടികൾ അവസാനിച്ചു.