കട്ടപ്പൊക, ഒന്നും കാണുന്നില്ല! കേരളം-ഹരിയാന രഞ്ജി ട്രോഫി മത്സരം വൈകുന്നു; വരും ദിവസങ്ങളിലും മോശം കാലാവസ്ഥ

ലാഹ്‌ലി: രഞ്ജി ട്രോഫിയില്‍ കേരളം – ഹരിയാന മത്സരം വൈകുന്നു. മൂടല്‍ മഞ്ഞിനെ തുടര്‍ന്ന് ടോസിടാന്‍ പോലും സാധിച്ചില്ലിട്ടില്ല. ഹരിയായുടെ ഹോം ഗ്രൗണ്ടായ ലാഹ്‌ലി, ബന്‍സി ലാല്‍ ക്രിക്കറ്റ് സ്റ്റേഡിയത്തിലാണ് മത്സരം. ഗ്രൂപ്പ് സിയില്‍ ഹരിയാന ഒന്നാമതും കേരളം രണ്ടാം സ്ഥാനത്തുമാണ്. നാല് മത്സരങ്ങള്‍ പൂര്‍ത്തിയാക്കിയ ഹരിയാനയ്ക്ക് 19 പോയിന്റാണുള്ളത്. ഇത്രയും മത്സരങ്ങളില്‍ 15 പോയിന്റുമായിട്ടാണ് കേരളം രണ്ടാം സ്ഥാനത്ത് നില്‍ക്കുന്നത്. രണ്ട് ജയവും രണ്ട് സമനിലകളുമാണ് ഇരു ടീമുകളുടേയും അക്കൗണ്ടില്‍. ഈ മത്സരം ജയിക്കാനായാല്‍ പിന്നീട് കേരളത്തിന് നേരിടാനുള്ളത് മധ്യ പ്രേദേശിനേയും ബിഹാറിനേയുമാണ്.