കണ്ണൂർ വെള്ളോറയിൽ പുലി ആടിനെ കടിച്ചു കൊന്നു

കണ്ണൂർ: വെള്ളോറയിൽ കൂട്ടിൽ കയറി പുലി ആടിനെ കടിച്ച് കൊന്നു. മറ്റൊരാടിനെ കടിച്ച് പരിക്കേൽപിച്ചു. അറക്കൽപാറ ക്ഷേത്രത്തിനു സമീപം പന്തമാക്കൽ രവീന്ദ്രന്റെ ആടിനെയാണ് പുലി പിടിച്ചത്. വ്യാഴാഴ്ച പുലർച്ചെ 2:30 ഓടെ ആയിരുന്നു സംഭവം. ആടിൻ്റെ കരച്ചിൽ കേട്ട് വീട്ടുകാർ വന്നു നോക്കിയപ്പോഴേക്കും പുലി ഓടി മറയുകയായിരുന്നു. പോലീസും വനം വകുപ്പും സ്ഥലത്തെത്തി പരിശോധന നടത്തി എങ്കിലും പുലിയെ കണ്ടെത്താനായില്ല.