സഹകരണ വാരാഘോഷത്തിന്റെ ഭാഗമായി നടന്ന വാഹന പ്രചാരണ ജാഥയ്ക്ക് കേളകത്ത് സ്വീകരണം നൽകി

കേളകം: സഹകരണ വാരാഘോഷത്തിന്റെ ഭാഗമായി സർക്കിൾ സഹകരണ യൂണിയൻ ചെയർമാൻ സി വി ശശീന്ദ്രൻ നയിക്കുന്ന വാഹന പ്രചാരണ ജാഥയ്ക്ക് കേളകത്ത് സ്വീകരണം നൽകി. ‘സഹകരണ പ്രസ്ഥാനം നാടിൻറെ കരുത്ത് ജനവിശ്വാസം സഹകരണ പ്രസ്ഥാനത്തിന്റെ കരുത്ത്’ എന്ന സന്ദേശവുമായി ആണ് ജാഥ സംഘടിപ്പിച്ചിരിക്കുന്നത്. കേളകത്ത് നടന്ന സ്വീകരണ യോഗത്തിൽ സിബിച്ചൻ അടുക്കോലിൽ അധ്യക്ഷത വഹിച്ചു. ജാഥാ ലീഡർ സിവി ശശീന്ദ്രൻ, വൈസ് ക്യാപ്റ്റൻ തോമസ്, മാനേജർ കെ കെ പത്മനാഭൻ, സി ടി ബിന്ദു , വി ജി പത്മനാഭൻ, വി വി ബാലകൃഷ്ണൻ, എന്നിവർ സംസാരിച്ചു. ഇന്ന് രാവിലെ കൊട്ടിയൂരിൽ നിന്നാണ് ജാഥ ആരംഭിച്ചത്.