ഇടുക്കി: ബൈക്ക് അപകടത്തില്‍ പരിക്കേറ്റ് ചികിത്സയിലിരുന്ന യുവാവ് മരിച്ചു. കരിങ്കുന്നം പഴയമറ്റം ഒറ്റല്ലൂര്‍ മറ്റത്തിലാനിക്കല്‍ മാത്യുവിന്റെ മകന്‍ ജീവന്‍ (28) ആണ് മരിച്ചത്. കഴിഞ്ഞ 31 ന് രാത്രിയില്‍ കുന്നംപടി-കോടിക്കുളം റോഡില്‍ ടിപ്പര്‍ ലോറിയും ബൈക്കും കൂട്ടിയിടിച്ച് അപകടം സംഭവിച്ചത്.
കോടിക്കുളത്തുള്ള കമ്പനിയില്‍ ജോലി കഴിഞ്ഞ് തിരികെ വരുന്നതിനിടെയാണ് അപകടം. ഗുരുതരമായി പരിക്കേറ്റ ജീവന്‍ മാത്യു ചികിത്സക്കിടെ വെള്ളിയാഴ്ച വൈകിട്ട് മരിച്ചു. മാതാവ്:അച്ചാമ്മ. സഹോദരന്‍: ജിനോയി മാത്യു. സംസ്‌കാരം കരിങ്കുന്നം നെടിയകാട് പള്ളിയില്‍.