അടക്കാത്തോട് ഗവൺമെൻറ് യു പി സ്കൂളിൽ കേരളപ്പിറവി ദിനാഘോഷവും ഹരിത വിദ്യാലയപ്രഖ്യാപനവും നടന്നു

അടക്കാത്തോട്: ഗവൺമെൻറ് യു പി സ്കൂളിൽ കേരളപ്പിറവി ദിനാഘോഷവും ഹരിത വിദ്യാലയ പ്രഖ്യാപനവും നടത്തി. കേളകം ഗ്രാമ പഞ്ചായത്ത് വൈസ് പ്രസിഡണ്ട് തങ്കമ്മ മേലേക്കൂറ്റ് പദ്ധതിയുടെ ഉദ്ഘാടനകർമം നിർവ്വഹിച്ചു. പി.ടി എ പ്രസിഡണ്ട് അൻസാദ് അസീസ് അധ്യക്ഷത വഹിച്ച ചടങ്ങിൽ ഹെഡ്മിസ്ട്രസ് ലിസ്സി പി എ സ്വാഗതം ആശംസിച്ചു. അധ്യാപകരായ ജിമ്മി മാത്യു, ഷാജി മാത്യു,പി ടി എ ഭാരവാഹികളായ ചെറിയാൻ കെ.ജെ, സജിന എം എന്നിവർ സംസാരിച്ചു. സ്കൂളിൽ പൂന്തോട്ടവും പച്ചക്കറിത്തോട്ടവും ക്രമീകരിച്ചു. മാലിന്യ മുക്ത കാമ്പസിനായി ബിന്നുകളും സ്ഥാപിച്ചു.