ഉളിയിൽ: എല്ലാ വിഭാഗീയതകൾക്കുമപ്പുറം മനുഷ്യ മൈത്രിയിലേക്ക് നയിക്കുന്നതാവണം വിദ്യാഭ്യാസമെന്ന് കണ്ണൂർ സർവകലാശാല സിൻഡിക്കേറ്റ് മെമ്പറും സാഹിത്യ-സാംസ്കാരിക പ്രവർത്തകനുമായ ഡോ. പ്രമോദ് വെള്ളച്ചാൽ അഭിപ്രായപ്പെട്ടു. ഉളിയിൽ ഐഡിയൽ അക്കാദമി ഫോർ ഹയർ എജുക്കേഷൻ അവസാന വർഷ വിദ്യാർത്ഥികൾക്ക് നൽകിയ കോൺവൊക്കേഷൻ ചടങ്ങിൽ മുഖ്യപ്രഭാഷണം നടത്തുകയായിരുന്നു അദ്ദേഹം.
ഐഡിയൽ ട്രസ്റ്റ് ജനറൽ സെക്രട്ടറി കെ. അബ്ദുറഷീദ് അധ്യക്ഷത വഹിച്ചു. ട്രസ്റ്റ് മെമ്പർമാരായ പി.വി. നിസാർ, കെ.എൻ സുലൈഖ, അസിസ്റ്റൻ്റ് പ്രൊഫസർ എ. റഹീന തുടങ്ങിയവർ സംസാരിച്ചു. പ്രിൻസിപ്പൽ കെ.വി. അബ്ദുൽ വഹാബ് സ്വാഗതവും പ്രോഗ്രാം കൺവീനർ അബ്ദുന്നാഫി നന്ദിയും പറഞ്ഞു.