കൊട്ടിയൂർ ടൗണിൽ വിവിധ ഇടങ്ങളിൽ മോഷണം

കൊട്ടിയൂർ: കൊട്ടിയൂർ നീണ്ടുനോക്കി സെന്റ് സെബാസ്റ്റ്യൻ പള്ളിയിലും കൊട്ടിയൂർ ടൗണിലെ കടകളിലും മോഷണം നടന്നു. ഇന്നലെ രാത്രിയാണ് മോഷണം നടന്നത്. പള്ളിയിലെ മോണ്ടളത്തെയും പള്ളി മുറ്റത്തെയും ഭണ്ഡാരങ്ങളും തകർത്താണ് മോഷണം നടത്തിയത്. കുടുംബശ്രീ ഹോട്ടൽ, മീൻകട, മില്ല് എന്നിവിടങ്ങളിലും മോഷണം നടന്നു. പോലീസ് സ്ഥലത്തെത്തി അന്വേഷണം ആരംഭിച്ചു.