കേളകത്ത് മാനസിക വെല്ലുവിളി നേരിടുന്ന യുവതിയെ പീഡിപ്പിച്ചയാൾ അറസ്റ്റിൽ

കേളകം : മാനസിക വെല്ലുവിളി നേരിടുന്ന
യുവതിയെ പീഡിപ്പിച്ചയാളെ കേളകം പോലീസ് അറസ്റ്റ് ചെയ്തു. അടക്കാത്തോട് കരിയംകാപ്പിലെ വലിയ പുതുപ്പറമ്പിൽ രാജീവനാണ് (46) അറസ്റ്റിലായത്. തിരുവോണ ദിനത്തിലാണ് കേസിനാസ്‌പദമായ സംഭവം. ഒളിവിൽ പോയ ഇയാളെ കർണാടകയിലെ പുത്തൂരിൽ നിന്നുമാണ് കേളകം പോലീസ് സബ് ഇൻസ്പെക്ടർ വി. വി. ശ്രീജേഷ് പിടികൂടിയത്. സീനിയർ സിവിൽ പോലീസ് ഓഫീസർമാരായ പ്രശോഭ്, ലിതോഷ്, സിവിൽ പോലീസ് ഓഫീസർ രാകേഷ് എന്നിവരും സംഘത്തിൽ ഉണ്ടായിരുന്നു.കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.