തിരുവനന്തപുരം: തിരുവോണത്തിന് പണിമുടക്ക് നടത്തുമെന്ന് അറിയിച്ച് കെഎസ്ആര്‍ടിസി ജീവനക്കാര്‍. ഓണാനുകൂല്യങ്ങള്‍ ലഭിക്കാത്തതിനെ തുടര്‍ന്നാണ് തീരുമാനം. ഓണം ബോണസും ഉത്സവബതയും നല്‍കണമെന്ന് ആവശ്യപ്പെട്ട് ടിഡിഎഫിന്റെ നേതൃത്വത്തിലാണ് സമരം. ജീവനക്കാര്‍ മുന്‍കൂട്ടി അവധി നല്‍കും.
‘കെഎസ്ആര്‍ടിസി ജീവനക്കാരുടെ ഓണം ആനുകൂല്യങ്ങള്‍ നല്‍കിയില്ലെങ്കില്‍ ഓണം ദിനത്തില്‍ ടിഡിഎഫിന്റെ നിസ്സഹകരണ സമരം. ആത്മാഭിമാനമുള്ള എല്ലാ കെഎസ്ആര്‍ടിസി ജീവനക്കാരും ഈ നിസ്സഹകരണ സമരത്തില്‍ പങ്കാളികളാകും. ജീവനക്കാര്‍ മുന്‍കൂട്ടി അവധി നല്‍കും, ഓണനാളില്‍ അധികം ഡ്യൂട്ടികള്‍ എടുക്കില്ല,’ ടിഡിഎഫ് പുറത്തിറക്കിയ പത്രക്കുറിപ്പില്‍ വ്യക്തമാക്കി.