സമ്പദ്വ്യവസ്ഥയുടെ അവസ്ഥ, വിലയും പണപ്പെരുപ്പവും, സമൃദ്ധിയുടെ ഇടയിലുള്ള സ്ഥിരത, ഒരു പുതിയ ഇന്ത്യക്കായുള്ള വികസന കാഴ്ചപ്പാട്, കാലാവസ്ഥാ വ്യതിയാനവും ഊർജ പരിവർത്തനവും, സാമൂഹിക മേഖല, തൊഴിലും നൈപുണ്യ വികസനവും, കൃഷി, ഭക്ഷ്യ മാനേജ്മെൻ്റ്, ഇടത്തരം, ചെറുകിട വ്യവസായങ്ങൾ, സേവന മേഖല, അടിസ്ഥാന സൗകര്യങ്ങൾ, കാലാവസ്ഥാ വ്യതിയാനം തുടങ്ങിയവ സാമ്പത്തിക സർവേ റിപ്പോർട്ടിൽ വിശദീകരിച്ചിട്ടുണ്ട്.
2023-24 സാമ്പത്തിക സർവേയുടെ പ്രധാന ഹൈലൈറ്റുകൾ:
* പാർലമെൻ്റിൽ അവതരിപ്പിച്ച സാമ്പത്തിക സർവേയിൽ, 2025 സാമ്പത്തിക വർഷത്തിൽ ഇന്ത്യയുടെ ജിഡിപി എന്തായിരിക്കുമെന്നും പരാമർശിച്ചിട്ടുണ്ട്. രാജ്യത്തിൻ്റെ ജിഡിപി വളർച്ച 6.5 മുതൽ 7 ശതമാനം വരെയാണ് കണക്കാക്കിയിരിക്കുന്നത്.
* റിസർവ് ബാങ്ക് ഓഫ് ഇന്ത്യയും (ആർബിഐ) അന്താരാഷ്ട്ര നാണയ നിധിയും (ഐഎംഎഫ്) , ഇന്ത്യയുടെ ഉപഭോക്തൃ വില പണപ്പെരുപ്പത്തെ കുറിച്ച് നടത്തിയ പ്രവചനങ്ങൾക്ക് വിശ്വാസ്യത നൽകുന്നതായി സാമ്പത്തിക സർവേ.
* ദീർഘകാല നയ സ്ഥിരത ഉറപ്പാക്കുന്നതിന്, പ്രധാന എണ്ണക്കുരുക്കളുടെ ഉൽപ്പാദനം വർദ്ധിപ്പിക്കുന്നതിനും പയറുവർഗ്ഗങ്ങളുടെ വിസ്തൃതി വിപുലീകരിക്കുന്നതിനും പ്രത്യേക വിളകൾക്കായി ആധുനിക സംഭരണ സൗകര്യങ്ങൾ വികസിപ്പിക്കുന്നതിലെ പുരോഗതി വിലയിരുത്തുന്നതിനും കേന്ദ്രീകൃതമായ ശ്രമങ്ങൾ നടത്താൻ സർവേ നിർദ്ദേശിച്ചു
* ഇന്ത്യയിലേക്ക് എത്തുന്ന വിദേശ നാണ്യം 3.7% വർധിച്ച് 2024-ൽ 124 ബില്യൺ ഡോളറായും 4% വർധിച്ച് 2025-ൽ 129 ബില്യൺ ഡോളറായും എത്തുമെന്ന് പ്രതീക്ഷിക്കുന്നു.
* രാജ്യത്തുണ്ടാകുന്ന രോഗങ്ങളുടെ 54 ശതമാനവും അനാരോഗ്യകരമായ ഭക്ഷണരീതികളാണ്, സമീകൃതവും വൈവിധ്യപൂർണ്ണവുമായ ഭക്ഷണക്രമത്തിലേക്കുള്ള പരിവർത്തനത്തിൻ്റെ ആവശ്യകത സർവേ ഉയർത്തിക്കാട്ടുന്നു.
* ചൈനയിൽ നിന്നുള്ള വിദേശ നേരിട്ടുള്ള നിക്ഷേപം (എഫ്ഡിഐ) വർദ്ധിക്കുന്നത് ആഗോള വിതരണ ശൃംഖലയിൽ ഇന്ത്യയുടെ പങ്കാളിത്തം വർദ്ധിപ്പിക്കാനും കയറ്റുമതി വർദ്ധിപ്പിക്കാനും കഴിയും.
* ഹ്രസ്വകാല പണപ്പെരുപ്പ വീക്ഷണം ഗുണകരമല്ലെങ്കിലും, ഇന്ത്യ പയറുവർഗ്ഗങ്ങളുടെ നിരന്തരമായ ലഭ്യതെ കുറവ് നേരിടുന്നുണ്ട്. ഇത് വിലക്കയറ്റത്തിലേക്ക് നയിക്കും.
* നികുതി വരുമാനത്തിലെ വർദ്ധനവ് , ചെലവ് നിയന്ത്രണം, ഡിജിറ്റലൈസേഷൻ എന്നിവ ഇന്ത്യയെ സന്തുലിത സാമ്പത്തിക സമീപനം കൈവരിക്കാൻ സഹായിച്ചു.
* 2024 സാമ്പത്തിക വർഷത്തിൽ ഇന്ത്യയുടെ ബാങ്കിംഗ്, സാമ്പത്തിക മേഖലകൾ മികച്ച പ്രകടനം കാഴ്ചവച്ചു.
* കേന്ദ്ര ഗവൺമെൻ്റിൻ്റെ നയ ഇടപെടലുകളും റിസർവ് ബാങ്ക് ഓഫ് ഇന്ത്യയുടെ നടപടികളും കാരണം 24 സാമ്പത്തിക വർഷത്തിൽ റീട്ടെയിൽ പണപ്പെരുപ്പം 5.4% ആയി നിലനിർത്തി, ഇത് കോവിഡിന് ശേഷമുള്ള ഏറ്റവും താഴ്ന്ന നിലയാണ്.
* ചരക്കുകളുടെയും സേവനങ്ങളുടെയും അടിസ്ഥാന പണപ്പെരുപ്പം കുറഞ്ഞു.
2024-25 ലെ കേന്ദ്ര ബജറ്റ് നാളെ ലോക്സഭയിൽ അവതരിപ്പിക്കും. തുടർച്ചയായി മൂന്നാം തവണയും അധികാരത്തിൽ വന്നതിന് ശേഷമുള്ള മോദി സർക്കാരിൻ്റെ ആദ്യ ബജറ്റാണിത്. കേന്ദ്രഭരണ പ്രദേശമായ ജമ്മു കശ്മീരിൻ്റെ 2024ലെ ബജറ്റും ജൂലൈ 23ന് അവതരിപ്പിക്കും.