എം ജി എം ശാലോം സെക്കൻഡറി സ്കൂളിൽ 2024-25വർഷത്തെ സ്കൂൾ ലീഡേഴ്സിന്റെ സത്യപ്രതിജ്ഞ ചടങ്ങ് നടന്നു

കേളകം: എം ജി എം ശാലോം സെക്കൻഡറി സ്കൂളിൽ 2024-25 വർഷത്തെ തിരഞ്ഞെടുക്കപ്പെട്ട സ്കൂൾ ലീഡേഴ്സിന്റെ സത്യപ്രതിജ്ഞ ചടങ്ങും വാർഷിക പി.ടി.എ ജനറൽ ബോഡി യോഗവും, മാതാപിതാക്കൾക്ക് വേണ്ടി ലഹരി വിമുക്ത ക്ലാസും സംഘടിപ്പിച്ചു. സ്കൂൾ പി.ടി.എ പ്രസിഡണ്ട് പ്രവീൺ ജോൺ അധ്യക്ഷനായ ചടങ്ങിൽ പേരാവൂർ എക്സൈസ് പ്രിവന്റ്റ്റീവ് ഓഫീസർ ബാബുമോൻ ഫ്രാൻസിസ് മാതാപിതാക്കൾക്ക് ക്ലാസെടുത്തു. കഴിഞ്ഞ അക്കാദമിക വർഷം ഉന്നത വിജയം നേടിയ കുട്ടികൾക്കുള്ള അവാർഡ് വിതരണവും നടന്നു. 2024 25 വർഷത്തെ പി.ടി.എ ഭാരവാഹികളെ തിരഞ്ഞെടുത്തു. സ്കൂൾ മാനേജർ റവ.ഫാദർ സാജു വർഗീസ്സ് അനുഗ്രഹപ്രഭാഷണം നടത്തി. സ്കൂൾ പ്രിൻസിപ്പൽ ടി.വി ജോണി
സ്കൂൾ അഡ്മിനിസ്ട്രേറ്റർ റവ. ഫാദർ എൽദോ എ.കെ, ആസിയ തമീം എന്നിവർ സംസാരിച്ചു.