ബാര്ബഡോസ്: ടി20 ലോകകപ്പ് സെമി ഫൈനല് പ്രതീക്ഷകള് സജീവമാക്കി വെസ്റ്റ് ഇന്ഡീസ്. സൂപ്പര് എട്ടിലെ രണ്ടാം മത്സരത്തില് യുഎസിനെ ഒമ്പത് വിക്കറ്റിന് തോല്പ്പിച്ചതോടെയാണ് ആതിഥേയരുടെ പ്രതീക്ഷകള്ക്ക് ചിറക് മുളച്ചത്. ടോസ് നഷ്ടപ്പെട്ട് ബാറ്റിംഗിനെത്തിയ യുഎസ് 19.5 ഓവറില് 128ന് എല്ലാവരും പുറത്തായിരുന്നു. മൂന്ന് വിക്കറ്റ് വീതം നേടിയ ആന്ദ്രേ റസ്സല്, റോസ്റ്റണ് ചേസ് എന്നിവരാണ് യുഎസിനെ തകര്ത്തത്. മറുപടി ബാറ്റിംഗില് വിന്ഡീസ് 10.5 ഓവറില് ഒരു വിക്കറ്റ് മാത്രം നഷ്ടത്തില് ലക്ഷ്യം മറികടന്നു.