കോഴിക്കോട് കാൽനടയാത്രക്കാരനെ ഇടിച്ചുതെറിപ്പിച്ച ബൈക്ക് യാത്രികനെ കണ്ടെത്തിയില്ല; സിസിടിവി ദൃശ്യങ്ങൾ പുറത്ത്

കോഴിക്കോട്: കാൽനടയാത്രക്കാരനെ ഇടിച്ചുതെറിപ്പിച്ച് ബൈക്ക് യാത്രികൻ കടന്നു കളഞ്ഞു. കോഴിക്കോട് നരിക്കുനിയിലാണ് സംഭവമുണ്ടായത്. നരിക്കുനി സ്വദേശി സന്തോഷ് കുമാറിനാണ് അപകടത്തിൽ പരിക്കേറ്റത്. വെള്ളിയാഴ്ച രാത്രി 8.15 നാണ് സംഭവം. കാൽനടയാത്രക്കാരനെ അമിത വേ​ഗതയിൽ വന്ന ബൈക്ക് യാത്രികൻ ഇടിച്ചു തെറിപ്പിക്കുകയായിരുന്നു. ഇതിന്റെ സിസിടിവി ദൃശ്യങ്ങൾ പുറത്ത് വന്നിട്ടുണ്ട്. അതേസമയം, നാലുദിവസം കഴിഞ്ഞിട്ടും അപകടം ഉണ്ടാക്കിയ ബൈക്ക് യാത്രക്കാരനെ കണ്ടെത്താനായില്ല.