സംസ്ഥാനത്ത് ഉയർന്ന താപനില തുടരുന്നതിനാൽ റേഷൻ കടകളുടെ പ്രവർത്തന സമയത്തിൽ പൊതുവിതരണ ഉപഭോക്തൃകാര്യ കമ്മീഷണർ മാറ്റം വരുത്തിയിരുന്നു. റേഷൻകടകളുടെ പ്രവർത്തന സമയം രാവിലെ എട്ടു മുതൽ 11വരെയും വൈകിട്ട് നാലുമുതൽ എട്ടുവരെയുമാക്കിയാണ് നിശ്ചയിച്ചിരുന്നത്. ഈ സമയക്രമത്തിലാണ് ഇപ്പോൾ മാറ്റം വരുത്തിയത്.
സംസ്ഥാനത്ത് മഴ വ്യാപകമാകമായതോടെ ഉയർന്ന താപനിലയിൽ മാറ്റം കുറവ് സംഭവിച്ചതോടെയാണ് റേഷൻ കടകളുടെ പ്രവർത്തന സമയം പഴയനിലയിൽ പുന:സ്ഥാപിച്ചത്. തെക്കുപടിഞ്ഞാറൻ മൺസൂൺ എത്താനിരിക്കെ സംസ്ഥാനത്ത് മഴ ശക്തമാകുകയാണ്. നാളെയോടെ എല്ലാ ജില്ലകളിലും മഴ കൂടുതൽ കരുത്താർജ്ജിക്കുമെന്നാണ് കേന്ദ്ര കാലാവസ്ഥാ വകുപ്പിൻ്റെ മുന്നറിയിപ്പ്