അതേസമയം കെജ്രിവാളിന് എതിരായ നീക്കങ്ങള് സിബിഐയും കടുപ്പിക്കുന്നതായാണ് സൂചന. കസ്റ്റഡിയിലുള്ള ബി ആര് എസ് നേതാവ് കെ കവിതയോട് സിബിഐ ഉന്നയിച്ച ചോദ്യങ്ങളില് ഭൂരിഭാഗവും, മദ്യനയ അഴിമതിയിലെ അരവിന്ദ് കേജ്രിവാളിന്റെ പങ്കിനെ സംബന്ധിച്ചാണ്. കസ്റ്റഡി കാലാവധി പൂര്ത്തിയാക്കുന്ന കെ കവിതയെയും സിബിഐ ഇന്ന് റൗസ് അവന്യൂ കോടതിയില് ഹാജരാക്കും.
ചോദ്യംചെയ്യലുമായി കവിത സഹകരിക്കുന്നില്ലെന്നാണ് സിബിഐ വൃത്തങ്ങളില് നിന്നും ലഭിച്ച വിവരം. കൂടുതല് തെളിവുകള് ശേഖരിക്കുന്നതിനായി മൂന്നുദിവസം കൂടി കസ്റ്റഡിയില് വേണമെന്ന് സിബിഐ ആവശ്യപ്പെടുമെന്നും സൂചന ഉണ്ട്.