ഇടവിട്ട് മഴ പെയ്തിട്ടും ശമനമില്ല; സംസ്ഥാനത്ത് ചൂട് കൂടുന്നു, താപനില മുന്നറിയിപ്പ്

സംസ്ഥാനത്ത് ഉയർന്ന താപനില മുന്നറിയിപ്പ് പുറപ്പെടുവിച്ച് കേന്ദ്ര കാലാവസ്ഥാവകുപ്പ്. ഇടവിട്ട് മഴ പെയ്തിട്ടും കേരളത്തിൽ ചൂട് കനത്തു വരികയാണ്. കൊല്ലം, പാലക്കാട് എന്നീ രണ്ട് ജില്ലകളിലാണ് ഇന്ന് താപനില മുന്നറിയിപ്പുള്ളത്. പാലക്കാട് 41 ഡി​ഗ്രിക്ക് മുകളിലും കൊല്ലത്ത് 40 ഡി​ഗ്രിയുമാണ് താപനില രേഖപ്പെടുത്തിയിട്ടുള്ളത്. തൃശൂരിൽ 39 ഡി​ഗ്രിയും, പത്തനംതിട്ട, കോട്ടയം, കണ്ണൂർ, കോഴിക്കോട് എന്നീ ജില്ലകളിൽ 38 ഡി​ഗ്രിയുമാണ് ചൂട് രേഖപ്പെടുത്തിയിട്ടുള്ളത്. അതേസമയം, മത്സ്യത്തൊഴിലാളികൾക്കും ജാഗ്രത നിര്‍ദേശം പുറപ്പെടുവിച്ചിട്ടുണ്ട്. കേരള – കർണാടക- ലക്ഷദ്വീപ് തീരങ്ങളിൽ മത്സ്യബന്ധനത്തിന് തടസമില്ലെന്ന് കേന്ദ്ര കാലാവസ്ഥ വകുപ്പ് അറിയിച്ചു. ഉയർന്ന ചൂട് സൂര്യാഘാതം, സൂര്യാതപം, നിർജലീകരണം തുടങ്ങി നിരവധി ഗുരുതരമായ ആരോഗ്യപ്രശ്നങ്ങൾക്ക് കാരണമാകുമെന്നും അതിനാൽ ജനങ്ങൾ താഴെ പറയുന്ന നിർദേശങ്ങൾ പാലിക്കണമെന്നും കേന്ദ്ര കാലാവസ്ഥാവകുപ്പ് അറിയിച്ചു.