മലയാളികൾ മാത്രമല്ല ലോകമെമ്പാടുമുള്ള പ്രേക്ഷകർ മഞ്ഞുമ്മൽ ബോയിസിനെ ഏറ്റെടുത്തിരിക്കുകയാണ്. റിലീസ് ചെയ്ത് 10 ദിവസങ്ങൾ പിന്നീടുമ്പോൾ ആഗോളതലത്തിൽ 75 കോടിയിലധികം രൂപയാണ് ചിത്രം നേടിയിരിക്കുന്നതെന്നാണ് റിപ്പോർട്ട്. കൂടാതെ തമിഴ്‌നാട്ടിൽ 10 കോടി കളക്ഷനുമായി ബോക്സ് ഓഫീസിൽ റെക്കോർഡ് വേട്ടയാണ് സ്വന്തമാക്കിയിരിക്കുന്നത്.
ഇന്ന് 390ലധികം ഷോകളാണ് മഞ്ഞുമ്മല്‍ ബോയ്സിനായി തമിഴ്‌നാട്ടിൽ ചാര്‍ട്ട് ചെയ്തിരിക്കുന്നത്. ഇതില്‍ തന്നെ മള്‍ട്ടിപ്ലക്സുകളില്‍ ഷോകള്‍ക്ക് അതിവേഗം ടിക്കറ്റ് തീരുകയാണ്. ചെന്നൈയില്‍ 300ലേറെ ഷോകള്‍ നടത്തിയാൽ തന്നെ തമിഴ്നാട്ടില്‍ ചിലപ്പോള്‍ 1000 ഷോകള്‍ എങ്കിലും ‘മഞ്ഞുമ്മല്‍ ബോയ്സ്’ കളിക്കും എന്നാണ് പറയുന്നത്.