ഡ്രൈ സ്റ്റോൺ വാലിംഗ് ടെക്നിക് ഉപയോഗിച്ച്, ദ്വീപിലെമ്പാടും നിര്മ്മിച്ച ചെറു മതിലുകളാണ് ദ്വീപിന് വിരലടയാളത്തിന്റെ പ്രതീതി നല്കുന്നത്. മോർട്ടറോ മറ്റേതെങ്കിലും കെട്ടിട നിര്മ്മാണ സാമഗ്രികളോ ഉപയോഗിക്കാതെ ചെറു ഘടനകൾ നിർമ്മിക്കുന്നതിനുള്ള ഒരു സാങ്കേതികതയാണ് ഡ്രൈ സ്റ്റോൺ വാളിംഗ്. ഷിബെനിക് ദ്വീപസമൂഹത്തിലെ ബാൽജെനാക് ദ്വീപ് മുകളിൽ നിന്ന് നോക്കുമ്പോൾ ഒരു ഭീമൻ വിരലടയാളത്തിന് സമാനമാണ് ഈ നിര്മ്മിതി. കപ്രിജെ ദ്വീപിന് സമീപമാണ് ബാൽജെനാക് സ്ഥിതി ചെയ്യുന്നത്. ക്രൊയേഷ്യന് തീരത്ത് നിന്ന് 10 കിലോമീറ്റർ അകലെ ഷിബെനിക് ദ്വീപസമൂഹത്തിൽ സ്ഥിതി ചെയ്യുന്ന 249 ദ്വീപുകളിൽ ഒന്നാണ് ബാവ്ൽജെനാക് ദ്വീപ്. അയൽ ദ്വീപായ കപ്രിജെയിൽ നിന്നുള്ള കർഷകർ 19-ാം നൂറ്റാണ്ടിൽ ബാവ്ൽജെനാക് ദ്വീപില് കാർഷിക കോളനിവൽക്കരണം ആരംഭിച്ചതായി റിപ്പോര്ട്ടുകള് പറയുന്നു.
- Home
- Uncategorized
- ഏതോ കര്ഷകന് അവശേഷിപ്പിച്ച വിരലടയാളം പോലൊരു ദ്വീപ് !