ദില്ലിയിലോ മറ്റ് വടക്കേ ഇന്ത്യൻ നഗരങ്ങളിലോ കൊച്ചിയിലെ മലയാളി വ്യവസായികൾ പ്രശ്നങ്ങൾ അഭിമുഖീകരിച്ചാൽ അത് പരിഹരിക്കാൻ എപ്പോഴും നേരിട്ട് ഇറങ്ങി. “ചേംബർ ഓഫ് കൊമേഴ്സ് കണ്ട എറ്റവും മികച്ച പ്രസിഡന്റുമാരിൽ ഒരാളായിരുന്നു അദ്ദേഹം. ആതുരശുശ്രൂഷ രംഗത്ത് അദ്ദേഹം കാട്ടിയ മാതൃക ഒരിക്കലും മറക്കാനാവില്ല,” 1985 മുതൽ ജെ പി ഗോയലിനെ അടുത്ത് പരിചയമുള്ള സാമൂഹിക പ്രവർത്തകൻ കെ ബി ഹനീഫ് പറഞ്ഞു.
കൊച്ചിയിലെ വടക്കേ ഇന്ത്യൻ സമുദായങ്ങളുടെ കൂട്ടായ്മയായ അഗർവാൾ സമാജിന്റെ തുടക്കക്കാരിൽ ഒരാളായിരുന്നു ജെ പി ഗോയൽ. ഇന്ന് വൈകുന്നേരം 4ന് കത്രിക്കടവ് നോർത്ത് ഇന്ത്യൻ ട്രസ്റ്റ് ഹാളിൽ അനുസ്മരണ കൂട്ടായ്മ ഉണ്ടായിരിക്കും. ഭാര്യ : സുമൻ ഗോയൽ. മക്കൾ : റിതു, രാഹുൽ, വിശാൽ. മരുമക്കൾ : ഹരീഷ്, പൂജ, പൂജ. കൊച്ചുമക്കൾ : ഊർജ, അഭീർ, വിഹാൻ, കെനിഷ, വന്യ, ധന്വി.