കൈക്കൂലി കേസില് റിമാന്റിലായതോടെ മോഹനന് സസ്പെന്ഷനിലായി. പിന്നീട് നടന്ന സോഷ്യല് വര്ക്ക് ഡിപ്പാര്ട്ട്മെന്റ് താല്ക്കാലിക അധ്യാപക ഇന്റര്വ്യൂ റാങ്ക് ലിസ്റ്റില് നിന്ന് തന്നെ പുറത്താക്കാന് ശ്രമങ്ങളുണ്ടായെന്നാണ് രാമാനന്ദിന്റെ ആരോപണം. എല്ലാ താല്ക്കാലിക അധ്യാപക നിയമനങ്ങളുടെ ഇന്റര്വ്യൂകള്ക്കും വെയിറ്റിംഗ് ലിസ്റ്റ് പ്രസിദ്ധീകരിക്കാറുണ്ടെന്നും താന് പങ്കെടുത്ത ഇന്റര്വ്യൂവില് മാത്രം വെയിറ്റിംഗ് ലിസ്റ്റ് ഇടാത്തത് ഈ ഉദ്ദേശത്തോടെയാണെന്നും അദ്ദേഹം ആരോപിക്കുന്നു.
വിജിലന്സില് കേസ് നല്കിയതിനെ തുടര്ന്ന് സര്വകലാശാല അധികൃതരുടെ ഭാഗത്ത് നിന്ന് പ്രതികാര നടപടി തുടരുകയാണെന്നാണ് ആരോപണം. ഡിസംബര് മാസത്തെയും ജനുവരി 11 വരേയും ഉള്ള തന്റെ ശമ്പളം സര്വ്വകലാശാല തടഞ്ഞ് വച്ചിരിക്കുകയാണെന്നും രാമാനന്ദ് പറഞ്ഞു. പെരിയ കേന്ദ്ര സര്വ്വകലാശാല അധികൃതരുമായി ബന്ധപ്പെട്ടെങ്കിലും ഇക്കാര്യത്തില് പ്രതികരിക്കാന് തയ്യാറായില്ല.