തെളിവുകളുടെ അഭാവത്തിലായിരുന്നു വിചാരണ കോടതി പ്രതിയെ വെറുതെ വിട്ടത്. എന്നാല് പ്രോസിക്യൂഷന് ഹാജരാക്കിയ തെളിവുകള് വിശകലനം ചെയ്യുന്നതില് വിചാരണ കോടതി പരാജയപ്പെട്ടെന്നാണ് സര്ക്കാര് ഹൈക്കോടതിയില് നല്കിയ അപ്പീലില് പറയുന്നത്. അര്ജുനെതിരെ പൊലീസ് ചുമത്തിയ ബലാത്സംഗം, കൊലപാതകം ഉള്പ്പടെ ഒരു കുറ്റവും പ്രോസിക്യൂഷന് തെളിയിക്കാനായിരുന്നില്ല.
2021 ജൂണ് മുപ്പതിനാണ് വണ്ടിപ്പെരിയാര് ചുരക്കുളം എസ്റ്റേറ്റ് ലയത്തില് ആറ് വയസുകാരിയെ കഴുത്തില് ഷാള് കുരുക്കി കൊല ചെയ്തത്. കുട്ടി പീഡനത്തിന് ഇരയായെന്ന് മെഡിക്കല് പരിശോധനയില് വ്യക്തമായി. പിന്നീട് നടത്തിയ അന്വേഷണത്തിലാണ് വണ്ടിപ്പെരിയാര് സ്വദേശി അര്ജുനാണ് കൃത്യം ചെയ്തതെന്ന് പോലീസ് കണ്ടെത്തിയതും ഇയാളെ അറസ്റ്റ് ചെയ്തതും.