ഇരിട്ടി: മുസ്ലിം യൂത്ത് ലീഗ് പുന്നാട് ശാഖയുടെ ആഭിമുഖ്യത്തിൽ ‘’സംഘപരിവാർ ഫാസിസ്റ്റ് കാലത്ത് ഭരണ ഘടന ഉയർത്തി പിടിക്കാം‘’ എന്ന പ്രമേയത്തിൽ റിപബ്ലിക് ദിനം ആഘോഷിച്ചു. ശാഖ യൂത്ത് ലീഗ് പ്രസിഡന്റ് പിപി ശാക്കിർ ന്റെ ആദ്യക്ഷതയിൽ മുസ്ലിം ലീഗ് ഇരിട്ടി മുനിസിപ്പൽ പ്രസിഡന്റ് സമീർ പുന്നാട് ഇന്ത്യൻ പതാക ഉയർത്തി. മുസ്ലിം യൂത്ത് ലീഗ് പേരാവൂർ നിയോജകമണ്ഡലം പ്രസിഡന്റ് ഫവാസ് പുന്നാട് ഇന്ത്യൻ ഭരണഘടനാ സന്ദേശം കൈമാറി. തുടർന്ന് മധുര വിതരണവും നടന്നു. മുനിസിപ്പൽ ട്രഷറർ കെ ഷഹീർ, കെകെ സാദത്, കെ ഒ സാദത്, സമീർ പുഴക്കര, ഇകെ സൽമാൻ, നയീഫ് എന്നിവർ നേതൃത്വം നൽകി.