വീട്ടുമുറ്റത്ത് പൊട്ടിത്തെറിയുടെ ശബ്ദം കേട്ട് അഖിൽ എഴുന്നേറ്റു നോക്കിയപ്പോഴാണ് വാഹനങ്ങള് കത്തുന്നത് കണ്ടത്. വീട്ടുമുറ്റത്ത് തീഗോളം പോലെ നിന്നു കത്തുന്ന ബൈക്കും കാറുമാണ് അഖിൽ കാണുന്നത്. ഉടനെ തന്നെ വിവരം ഫയർഫോഴ്സിനെ അറിയിച്ചു. ഫയർഫോഴ്സെത്തി തീ അണക്കവേയാണ് അയൽവാസി ബെന്നിയുടെ വീട്ടിലെ സ്കൂട്ടറും കത്തുന്നത് കണ്ടത്. ഫയർഫോഴ്സെത്തി സ്കൂട്ടറിലെ തീയുമണച്ചു.
വിവരമറിഞ്ഞ് അമ്പലവയൽ പൊലീസും സ്ഥലത്തെത്തി. സമീപത്തെ ഒരു കടയ്ക്കും തീ വെച്ചതായി പൊലീസ് കണ്ടെത്തിയിട്ടുണ്ട്. എന്താണ് സംഭവിച്ചതെന്നോ, ആരാണ് ചെയ്തതെന്നോ ഇതുവരെ വ്യക്തമല്ല. അമ്പലവയൽ പൊലീസ് സ്ഥലത്തെത്തി പരിശോധന നടത്തി. സംഭവത്തിൽ അഖിലിന്റെയും ബെന്നിയുടേയും പരാതിയിൽ പൊലീസ് അന്വേഷണം ആരംഭിച്ചു. പ്രദേശത്തെ സിസിടിവി കേന്ദ്രീകരിച്ചാണ് അന്വേഷണം നടക്കുന്നത്