യൂത്ത് കോൺഗ്രസ് തെരഞ്ഞെടുപ്പിനെതിരെ കോടതിയെ സമീപിച്ചയാൾക്ക് ദേശീയ ഭാരവാഹിത്വം നൽകിയെന്ന പരാതിയുമായി യൂത്ത് കോൺഗ്രസ് രംഗത്ത്. ഷഹബാസ് വടേരിയെ ഗവേഷണ വിഭാഗത്തിൽ നിയമിച്ചതിനെതിരെയാണ് യൂത്ത് കോൺഗ്രസ് കെപിസിസിക്ക് പരാതി നൽകിയത്.
മുൻ കെഎസ്യു കോഴിക്കോട് ജില്ലാ വൈസ് പ്രസിഡൻ്റും യൂത്ത് കോൺഗ്രസ് പ്രവർത്തകനുമായ ജെറിൽ ബോസ് ആണ് പരാതി നൽകിയത്.
ഷഹബാസിൻ്റെ നിയമനം പാർട്ടി പ്രവർത്തകരോടുള്ള വെല്ലുവിളിയെന്ന് പരാതിയിൽ പറയുന്നു.
യൂത്ത് കോൺഗ്രസ് തെരഞ്ഞെടുപ്പ് സംഘടനയുടെ ഭരണഘടനയ്ക്ക് വിരുദ്ധമാണെന്ന് ഷഹബാസ് കോടതിയിൽ ഹർജി നൽകിയിരുന്നു. സംഭവം വിവാദമായതോടെ ഇയാൾ ഹർജി പിൻവലിച്ചിരുന്നു.