ഉളിക്കൽ: കർണ്ണാടക വന മേഖലയിൽ നിന്നും 12 കിലോമീറ്റർ അകലെയുള്ള ഉളിക്കൽ ടൗണിലെത്തിയ കാട്ടുകൊമ്പൻ ഉളിക്കൽ പട്ടണത്തെ ഭീതിയുടെ മുൾമുനയിൽ നിർത്തിയത് ഒരു പകൽ മുഴുവൻ. ആനയെക്കണ്ട് ഭയന്നോടുന്നതിനിടെ ആറുപേർക്ക് വീണ് പരിക്കേറ്റു. എന്നാൽ അഞ്ചു മണിക്കൂറോളം ടൗണിന് സമീപത്തെ പള്ളിയുടെ കൃഷിയിടത്തിൽ നിലയുറപ്പിച്ച കാട്ടാന അക്രമകാരിയാകാഞ്ഞത് വലിയ ആശ്വാസമായി. ആനയെ പടക്കം പൊട്ടിച്ച് തുരത്താനുള്ള ശ്രമം നടന്നെങ്കിലും വൈകീട്ട് വരെ കാട്ടിലേക്ക് എത്തിക്കൽ വിജയിച്ചില്ല. ഉളിക്കൽ ടൗണിൽ നിന്നും ആനയെ മറ്റൊരിടത്തേക്ക് മാറ്റാൻ കഴിഞ്ഞെങ്കിലും ആശങ്ക ഒഴിയുന്നില്ല.
ഉളിക്കൽ പട്ടണത്തെ ഭീതിയുടെ മുൾമുനയിൽ നിർത്തി കാട്ടുകൊമ്പൻ ഭയന്നോടിയ ആറു പേർക്ക് പരിക്ക്
