പേരാവൂർ : ബാങ്ക് അധികൃതരുടെ ഭീഷണി മൂലം വ്യാപാരി ബിനു ആത്മഹത്യ ചെയ്ത സംഭവത്തിൽ യു.എം.സി പേരാവൂർ യൂണിറ്റ് പ്രവർത്തകർ വായ മൂടിക്കെട്ടി പ്രതിഷേധിച്ചു. ബിനുവിൻ്റെ കടങ്ങൾ ബാങ്ക് എഴുതി തള്ളുക, കുടുംബത്തെ സർക്കാർ സംരക്ഷിക്കുക എന്നീ ആവശ്യങ്ങളുന്നയിച്ച പ്ലക്കാർഡുകൾ ഉയർത്തിയാണ് പ്രതിഷേധം.
പ്രതിഷേധ യോഗം ജില്ലാ ജനറൽ സിക്രട്ടറി ഷിനോജ് നിരിതൂക്കിൽ ഉദ്ഘാടനം ചെയ്തു. കെ.എം. ബഷീർ അധ്യക്ഷത വഹിച്ചു. ബേബി പാറക്കൽ, വി.കെ. രാധാകൃഷ്‌ണൻ, വി.കെ. വിനേശൻ, ഒ.ജെ. ബെന്നി, രാജേഷ് പനയട, പ്രവീൺ കാരാട്ട്, വിനോദ് റോണക്സ് എന്നിവർ സംസാരിച്ചു.