കാക്കയങ്ങാട്: കാറിടിച്ച് പരിക്കേറ്റ് ചികിത്സയിലായിരുന്നയാൾ മരിച്ചു. കാക്കയങ്ങാട് പാല സ്വദേശി എ. മുകുന്ദനാണ് (55) മരിച്ചത്. കാക്കയങ്ങാട് ടൗണിൽ ലോട്ടറി വിൽപനക്കാരനായിരുന്നു.
ഈ മാസം പതിനഞ്ചാം തീയതി ഉച്ചയോടെ ആയിരുന്നു മുകുന്ദനെ കാക്കയങ്ങാട് ടൗണിൽ വെച്ച് കാറിടിച്ചത്. കാലിന് ഗുരുതരമായി പരിക്കേറ്റ മുകുന്ദൻ കണ്ണൂർ ജില്ലാ ആശുപത്രിയിൽ ചികിത്സയിലിരുന്നു. ഗീതയാണ് മരിച്ച മുകുന്ദന്റെ ഭാര്യ. നന്ദന,നയന എന്നിവർ മക്കളാണ്.