രസകരമായി കഥകൾ പറയുന്ന, ഉരുളയ്ക്ക് ഉപ്പേരി പോലെ കൗണ്ടറുകൾ എറിയുന്ന ധ്യാനിന്റെ അഭിമുഖങ്ങൾ സോഷ്യൽ മീഡിയയിൽ വൈറലായി മാറാറുണ്ട്. ഇപ്പോഴിതാ ഭാര്യ അർപ്പിതയ്ക്കായി അടിച്ച ടാറ്റൂ കാണിച്ചിരിക്കുകയാണ് ധ്യാൻ. അർപ്പിതയെ ഇമ്പ്രെസ് ചെയ്യിക്കാൻ വേണ്ടി അടിച്ച ടാറ്റൂവാണിതെന്ന് ധ്യാൻ ശ്രീനിവാസൻ പറയുന്നു. പതിനേഴ് വർഷം മുൻപ് അടിച്ച ടാറ്റൂവാണിത്.
ധ്യാനിന്റെ വാക്കുകൾ ഇങ്ങനെ ‘പ്രണയിക്കുന്ന സമയം അർപ്പിതയെ ഇമ്പ്രെസ്സ് ചെയ്യാൻ ചെയ്ത ഏറ്റവും വലിയ കടും കൈ ടാറ്റൂ ചെയ്തതാണ്. പതിനേഴുവര്ഷം മുൻപാണ് നെഞ്ചത്ത് അവളുടെ പേര് കൊത്തിവച്ചത്. പക്ഷേ അത് വേറെ ഒരു ലിപിയിൽ ആണെന്ന് മാത്രം’ കെട്ടാൻ കഴിഞ്ഞില്ലായിരുന്നുവെങ്കിൽ തേഞ്ഞു എന്ന് ഇതിന്റെ താഴെ കൊത്തിവയ്ക്കേണ്ടി വന്നേനെ എന്നും ധ്യാൻ തമാശയായി പറയുന്നു.
ഏറ്റവും സുന്ദരമായ നിമിഷം കുഞ്ഞുണ്ടായ സമയമാണെന്നും ധ്യാൻ പറയുന്നു. മദ്യപിച്ചിരുന്ന സമയത്ത് ചെയ്തിരുന്ന ഏറ്റവും മോശം കാര്യം മദ്യപിച്ച് വാഹനം ഓടിച്ചിരുന്നതാണെന്നും ധ്യാൻ പറയുന്നു. ജീവിതത്തിൽ തേപ്പ് കിട്ടിയിട്ടുമില്ല കൊടുത്തിട്ടുമില്ല. പരസ്പര സമ്മതത്തോടെ ബന്ധം വേണ്ടെന്ന് വെച്ചതാണെന്നും ധ്യാൻ പറയുന്നുണ്ട്. അഭിനയം നിർത്തിയാൽ ഉറപ്പായും സംവിധാനത്തിലേക്ക് തിരിയും. സിനിമ വിട്ടുള്ള ലൈഫ് ഉണ്ടായിരിക്കില്ലെന്നും ധ്യാൻ കൂട്ടിച്ചേർത്തു.